પૂર્વ નાણા મંત્રી પી ચિદમ્બરમે દિલ્હી હાઈકોર્ટમાં આઈએનએક્સ મીડિયા કેસમાં કરેલી જામીન અરજી સંદર્ભે હાઈકોર્ટે સેન્ટ્રલ બ્યુરો ઓફ ઈન્ટેલિજન્સ (સીબીઆઈ)ને જવાબ આપવા આદેશ કર્યો છે. પી ચિદમ્બરમની જામીન અરજી પર સીબીઆઈને સાત દિવસમાં જવાબ રજૂ કરવા હાઈકોર્ટે જણાવ્યું છે. દિલ્હી હાઈકોર્ટના જજ જસ્ટિસ સુરેશ કૈતે સીબીઆઈએ આ મામલે નોટિસ ફટકારી છે અને એક સપ્તાહમાં સ્ટેટસ રિપોર્ટ માંગ્યો છે. પી ચિદમ્બરે જામીન અરજીમાં એવો દાવો કર્યો છે કે આ સમગ્ર કેસ રાજકીય બદલાની ભાવના સાથે કરાયો છે. 73 વર્ષના કોંગ્રેસના નેતાએ આ સાથે જ ટ્રાયલ કોર્ટ દ્વારા 19 સપ્ટેમ્બર સુધી જ્યુડિશયલ કસ્ટડીમાં રહેવાના ચુકાદાને પડકારતી અરજી પરત ખેંચી હતી. કોર્ટે આ કેસમાં આગામી સુનાવણી 23 સપ્ટેમ્બરના હાથ ધરવાનું જણાવ્યું હતું.