ઑસ્ટ્રેલિયાના ગોલ્ડ કોસ્ટમાં આયોજીત કોમનવેલ્થ ગેમ્સ 2018માં ભારતીય ખેલાડીઓનો દબદબો ચાલુ છે. આજે એક વખત ફરીથી દેશનો પરચમ લહેરાવતા બોક્સર મેરી કોમે ભારતને વધુ એક ગોલ્ડ અપાવ્યા બાદ અન્ય બે ખેલાડીઓ શૂટર સંજીવ રાજપૂત અને અને બોક્સર ગૌરવ સોલંકીએ ભારતને બીજા બે ગોલ્ડ અપાવ્યા છે. ત્યાર બાદ ભાલા ફેંક સ્પર્ધામાં નીરજ ચોપડાએ પણ ગોલ્ડ મેળવતા આજના દિવસના ચાર ગોલ્ડ મેડલ સાથે કોમનવેલ્થ ગેમ્સ 2018માં ભારતના ખાતે કુલ 21 ગોલ્ડ થઈ ગયા છે.ભારતના નીરજ ચોપડાએ ભાલા ફેંક સ્પર્ધામાં 86.47 મીટર દૂર સુધી ભાલો ફેંકીને દેશને વધુ એક ગોલ્ડ મેડલ અપાવ્યો છે. આ સાથે જ દેશને આજે ચોથો ગોલ્ડ અને કુલ 21મો ગોલ્ડ મળ્યો છે. નીરજની આ સિદ્ધી પર રાષ્ટ્રપતિ રામનાથ કોવિંદે પણ ટ્વિટ કરીને શુભેચ્છા પાઠવી હતી. શૂટર સંજીવ રાજપૂતે 50 મીટર રાઇફલ થ્રી પોઝિશનમાં ગોલ્ડ મેળવ્યો છે જ્યારે ગૌરવ સોલંકીએ બોક્સિંગમાં 52 કિલોગ્રામ વજન વર્ગમાં ગોલ્ડ મેળવી ભારતના ફાળે ગોલ્ડનો આંકડો 21 પર પહોંચાડ્યો છે. એ પહેલા ભારતની બોક્સર મેરીકોમે 48 કિલોગ્રામ કેટેગરીની બોકસિંગ સ્પર્ધામાં ગોલ્ડ મેડલ જીત્યો હતો. મેરી કોમે શનિવારના રોજ 21મા રાષ્ટ્રમંડલ રમતોના 10મા દિવસે શનિવારના રોજ મહિલા બોક્સિંગની 45-48 કિલોગ્રામ કેટેગરીની સ્પર્ધામાં ગોલ્ડ મેડલ પોતાના નામે કરી લીધો છે. આ દિગ્ગજ બોક્સરે ફાઇનલમાં ઇંગલેન્ડની ક્રિસ્ટિના ઓ ને હરાવી 5-0થી માત આપીને પહેલી વખત કોમનવેલ્થ ગેમમાં મેડલ પ્રાપ્ત કર્યો. મેરી કોમે પહેલાં રાઉન્ડમાં ધીરજ દેખાડી અને તકની હાર જોઇએ. તેમને તક પણ મળી જેને તેમણે પોતાના પંચનો ખૂબ સારી રીતે ઉપયોગ કર્યો. મેરી કોમ ધીમે-ધીમે આક્રમક થઇ રહી હતી. બીજા રાઉન્ડમાં મેરીકોમે પોતાના અંદાજ ચાલુ રાખ્યો. ત્યાં ક્રિસ્ટિના કોશિષ તો કરી રહી હતી પરંતુ તેના પંચ ચૂકાઇ રહ્યા હતા. જ્યારે મેરી કોમ મુકાબલો આગળ વધારવાની સાથે આક્રમક થતી ગઇ અને હવે જૈબની સાથે પોતાના લેફ્ટ હકનો પણ સારો ઉપયોગ કરી રહી હતી. હવે તે પોતાના ફૂટવર્કનો સારો ઉપયોગ કરતાં ક્રિસ્ટિના પર દબાણ બનાવ્યું હતું. ત્રીજા અને છેલ્લાં રાઉન્ડમાં ક્રિસ્ટિના પણ આક્રમક થઇ ગઇ હતી અને પાંચ વખતની વિશ્વ ચેમ્પિયનને સારી ટક્કર આપી રહી હતી, પરંતુ મેરી કોમે પોતાના ડિફેન્સ પણ મજબૂત કરતાં જીત પ્રાપ્ત કરી.