NIAની વિશેષ કોર્ટે 11 વર્ષ બાદ મક્કા મસ્જિદ વિસ્ફોટ મામલે ફેંસલો સંભળાવ્યો છે. આ મામલે કોર્ટે અસીમાનંદ સહિત તમામ આરોપીઓને નિર્દોષ જાહેર કર્યાં છે. વર્ષ 2007માં હૈદરાબાદમાં થયેલાં વિસ્ફોટમાં 9 લોકોના મોત નિપજ્યાં હતા, જ્યારે 58થી વધુ લોકો ઘાયલ થયા હતા. આ મામલે 10 આરોપીઓમાંથી 8 લોકો વિરૂદ્ધ ચાર્જશીટ દાખલ કરવામાં આવી હતી જેમાં નબાકુમાર સરકાર ઉર્ફે અસીમાનંદનું નામ પણ સામેલ હતું. જે 8 લોકો વિરૂદ્ધ ચાર્જશીટ બનાવવામાં આવી હતી જ તેમાં સ્વામી અસીમાનંદ અને ભારત મોહનલાલ રત્નેશ્વર ઉર્ફે ભરત ભાઈ જામીન પર છે જ્યારે ત્રણ લોકો જેલમાં બંધ છે.