ફોર્બ્સ મેગેઝિને દર વર્ષની જેમ આ વર્ષે સૌથી વધુ મહેનતાણું મેળવાનારા એકટર્સની યાદી તૈયાર કરી છે. આ યાદીમાં હોલીવૂડના પ્રખ્યાત એક્ટર ડ્વેન જોન્સન પ્રથમ સ્થાને બિરાજમાન છે. આ ઉપરાંત બોલીવૂડના એક્ટર અક્ષય કુમાર ટોપ-5માં સ્થાન પ્રાપ્ત કરવામાં સફળ રહ્યા છે. બોલીવૂડના એક્ટર અક્ષય કુમાર ફોર્બ્સની હાઇએસ્ટ પેડ એક્ટર્સની યાદીમાં ચોથા ક્રમે છે. જૂન 2018થી જૂન 2019ની વચ્ચે એકટર્સની કમાણીના આધારે આ યાદી તૈયાર કરવામાં આવી છે.
ડ્વેન જોન્સને ગયા વર્ષે 89.4 મિલિયન ડોલર(લગભગ રૂ. 640 કરોડ)ની કમાણી કરી હતી. ફોર્બ્સના જણાવ્યા મુજબ, અક્ષયની કુલ કમાણી 69 મિલિયન ડોલર એટલે કે લગભગ 486 કરોડ રૂપિયા છે. ટોપ-10 હાઇએસ્ટ પેડ એક્ટર્સની યાદીમાં અક્ષય કુમાર એકમાત્ર બોલીવૂડ અભિનેતા છે. ફોર્બ્સની હાઇએસ્ટ પેડ એકટર્સની યાદીમાં ડ્વેન જોન્સન બાદ ક્રિસ હેમ્સવર્થ 76.4 મિલિયન ડોલરની કમાણી સાથે બીજા સ્થાન છે. ત્યારબાદ રોબર્ટ ડાઉની જૂનિયર 66 મિલિયન ડોલરની કમાણી સાથે ત્રીજા ક્રમે છે. આ યાદીમાં બ્રેડલી કૂપર, ક્રિસ ઇવાન્સ અને પોલ રૂડ પણ ટોપ-10માં સામેલ છે.