Indian Bollywood actor Akshay Kumar speaks during an event to wish good luck to Indian athletes for the 2018 Asian Games, in Mumbai on July 28, 2018. - The Jakarta Palembang 2018, is a pan-Asian multi-sport event scheduled to be held from 18 August to 2 September 2018 in the Indonesian cities of Jakarta and Palembang. (Photo by Sujit Jaiswal / AFP) (Photo credit should read SUJIT JAISWAL/AFP via Getty Images)

અક્ષય કુમારે જાહેર કર્યું છે કે, તેની આગામી મૂવી ‘બેલ બોટમ’ માટે આખરે શૂટિંગ શરૂ કરવામાં આવ્યું છે. તેણે ગુરુવારે એની જાહેરાત કરવા માટે ઇન્સ્ટાગ્રામ પર એક વીડિયો શૅર કર્યો હતો. તેણે આ પોસ્ટની કેપ્શનમાં લખ્યું હતું કે, ‘લાઇટ્સ, કેમેરા, માસ્ક પહેરવાનું અને તમામ ધારાધોરણોને અનુસરીને એક્શન શરૂ.

‘બેલ બોટમ’ માટે શૂટિંગ! આ મુશ્કેલ સમય છે, પરંતુ કામ તો ચાલુ રાખવું જ પડે. તમારા પ્રેમ અને નસીબની જરૂર.’ આ વીડિયોમાં તેના એક હાથમાં ક્લેપબોર્ડ છે જ્યારે બીજા હાથથી તે તેના ચહેરા પર માસ્ક પહેરતો જોવા મળે છે. આ ફિલ્મની ટીમ આ મહિનાની શરૂઆતમાં યુકે જવા રવાના થઈ હતી અને એ 14 દિવસ માટે ક્વોરન્ટિન હતી.

આ ફિલ્મમાં હુમા કુરૈશી, લારા દત્તા અને વાણી કપૂર લીડ રોલ્સમાં છે. આ ફિલ્મમાં 1980ના સમયગાળાની કહાણી છે અને એનું ઓરિજિનલ સ્ક્રીનપ્લે સત્ય ઘટનાઓથી ઇન્સ્પાયર્ડ છે. આ ફિલ્મમાં અક્ષય જાસૂસના રોલમાં હોવાનું કહેવામાં આવી રહ્યું છે. રંજિત એમ તિવારી દ્વારા ડિરેક્ટેડ આ ફિલ્મ આવતા વર્ષે બીજી એપ્રિલે રિલીઝ થશે.